Jóhannes Karl Guðjónsson, þjálfari ÍA, var ekki sáttur með 3-2 tap sinna manna gegn Breiðablik á Norðurálsvellinum fyrr í kvöld.
Jói Kalli talaði um að niðurstaða leiksins hafi verið sanngjörn og að Blikar hafi verið gríðarlega góðir í leiknum.
Jói Kalli talaði um að niðurstaða leiksins hafi verið sanngjörn og að Blikar hafi verið gríðarlega góðir í leiknum.
Lestu um leikinn: ÍA 2 - 3 Breiðablik
„Auðvitað vill maður aldrei tapa en kannski þegar upp er staðið var þetta bara sanngjörn niðurstaða, Blikarnir voru öflugri í dag, við vorum kannski pínu klaufar og gáfum færi á okkur í skyndisóknum og vorum stundum að tapa boltanum inná miðjunni sem við vildum ekki gera og Blikarnir eru stórhættulegir þegar þeir komast í svona skyndiupphlaup.''
Skagamenn voru oft með góða pressu framarlega á vellinum en það vantaði oft að fylgja því á eftir með seinni bylgjunni, hvað fannst Jóa klikka þar til að refsa Blikum betur?
„Ég held að það sé mjög erfitt að pressa Blikana í heilan leik, við löguðum það aðeins í hálfleik fannst mér og inn í seinni hálfleikinn pressuðum við þá á köflum vel, en svo féllum við líka þétt til baka og lokuðum á þá í lágpressunni.''
„Það voru kannski þessi skil þarna í fyrri hálfleik þar sem við vorum ekki með það á hreinu hvort við ætluðum að pressa eða falla til baka og vera þéttir.''
Viðtalið í heild sinni má sjá í spilaranum hér að ofan en þar fer Jói nánar út í leikinn, uppskeruna hingað til, breytingarnar frá sigurleiknum síðast og fleira.
Athugasemdir
