Talið er líklegast að De Bruyne semji við Napoli.
Ítalskir fjölmiðlar segja að Kevin De Bruyne sé að færast nær því að semja við ítalska félagið Napoli.
De Bruyne er falur á frjálsri sölu þegar samningur hans við Manchester City rennur út eftir viku.
De Bruyne er falur á frjálsri sölu þegar samningur hans við Manchester City rennur út eftir viku.
Hann er með fleiri tilboð, meðal annars frá Chicago Fire í bandarísku MLS-deildinni, en líklegast er talið að hann gangi í raðir Napoli sem sé búið að bjóða honum þriggja ára samning.
Þess má geta að De Bruyne, sem er 33 ára, hélt brúðkaupið sitt í Sorrento, rétt hjá Napoli.
Samkvæmt Fabrizio Romano og Matteo Moretto er De Bruyne með tilboð frá Napoli um 6 milljónir evra á ári fyrir fyrstu tvö árin en það detti svo niður í 5 milljónir það þriðja. Það er mikil launalækkun frá því sem hann hefur verið með hjá City.
Það má búast við ákvörðun frá De Bruyne á næstu dögum. Napoli vann Ítalíumeistaratitilinn í gær, í annað sinn á þremur árum.
Athugasemdir
