Patrick Pedersen, framherji Vals, fór meiddur af velli í 3-0 sigri liðsins á Fylki í gær. Patrick fékk tak í bakið og varð að ljúka keppni.

Patrick fór af velli á 75. mínútu en þá fór Sigurður Egill Lárusson af kantinum og í fremstu víglínu. Ólafur Karl Finsen, sem hefur áður spilað frammi, er líklega á förum frá Val í ágúst glugganum.

Í Innkastinu í gær var rætt um það hvort Valur muni bæta við sig framherja í félagaskiptaglugganum í ágúst en Patrick er eini hreinræktaði framherjinn í hópnum hjá liðinu.

Valsmenn höfðu áhuga á að bæta við framherja í hópinn í vetur áður en kórónuveirufaraldurinn skall á.