Hann telur aðeins að kurteisi eða ranghugmyndir haldi Solskjær í starfi.

„Raunveruleikinn er sá að Solskjær stóð sig mjög vel knattspyrnustjóri Manchester United í tvö og hálft ár... en hann er ekki lengur að standa sig vel," skrifar Crafton og heldur áfram:

„Það gerir Solskjær ekki að fífli eða heimskingja, eða manni sem á skilið að grín sé gert að honum. Það gerir hann einfaldlega að ágætum þjálfara sem gerði United mun betra en þeir voru, en hætti síðan að gera það."

Man Utd tapaði 0-5 gegn erkifjendum sínum í Liverpool í dag. Crafton telur að það eigi að vera síðasti naglinn í kistu Solskjær. Hann segir að það megi ekki bara líta til frammistöðunnar í dag, heldur einnig í leikjum gegn Aston Villa, Everton, Villarreal, Atalanta og Leicester.

Miklu var bætt við leikmannahóp Man Utd síðasta sumar en Solskjær virðist ekki ætla að fara lengra með liðið. Honum hefur ekki enn tekist að vinna titil sem stjóri Man Utd.

„Solskjær er maður sem gerði United betra, en býr ekki yfir hæfileikum til að gera liðið að því allra besta," skrifar Crafton en greinina má sjá í heild sinni hérna.

Solskjær kveðst ekki vera búinn að gefast upp, en það er spurning hvort stjórnin sé á sama máli.