Ferdinand spáir þessum liðum falli

„Ég tel að Newcastle haldi sér og muni svo gera stór kaup næsta sumar. Þeir hafa styrkt sig skynsamlega í glugganum hingað til," segir Ferdinand en Kieran Trippier og Chris Wood gengu í raðir félagsins.

Everton hefur blandað sér í fallbaráttuna og er í stjóraleit eftir að Rafa Benítez var rekinn. Ferdinand telur þó að liðið muni ekki lenda í vandræðum og spáir Norwich, Watford og Burnley falli. Íslenski landsliðsmaðurinn Jóhann Berg Guðmundsson leikur fyrir Burnley.

„Ég var búinn að bóka fall hjá Norwich áður en liðið fór á þetta skrið sem það er á núna. En ég held að þetta hlé sem er núna á deildinni hafi drepið þetta góða skrið," segir Ferdinand.

„Ég spái því að Burnley, Watford og Norwich falli. Ég held að Newcastle bjargi sér. Þeir munu fá einn til tvo leikmenn til viðbótar í glugganum sem munu hafa áhrif."