Joshua King, framherji Bournemouth og norska landsliðsins, fór fögrum orðum um Sergio Ramos eftir leikinn.

„Það er talað um hann sem grófan og óheiðarlegan leikmann en ég man ekki eftir að hafa mætt leikmanni sem er jafn heiðarlegur og kurteis," sagði King eftir leikinn.

Sergio Ramos skoraði sigurmark Spánverja úr vítaspyrnu.

„Ég sé ekki alla leiki sem að hann spilar en það sem ég hef séð af honum þá sýnist mér hann bara vera flottur íþróttamaður sem þráir það að vinna. "

Það er spurning hvort að stuðningsmenn Liverpool séu sammála King en flestir muna eftir því þegar Mo Salah meiddist í úrslitaleik Meistaradeildarinnar í fyrra eftir að hafa lent í Ramos.