Mosfellingar þurfa að vera duglegir að safna stigum í síðustu fjórum leikjunum.
Magnús Már.
Afturelding er í botnsæti Bestu deildarinnar þegar fjórar umferðir eru eftir af neðri hluta deildarinnar. Þrjú stig eru upp í ÍA sem er í 10. sætinu fyrir leiki helgarinnar.
Afturelding tekur á móti KA á Malbikstöðinni að Varmá á sunnudag. Leikurinn hefst klukkan 16:00 og er Afturelding í leit að sínum fyrsta sigri í þrjá mánuði.
Liðið vann ÍBV 23. júní á Þórsvelli en hefur ekki unnið síðan, en liðið hefur gert fimm jafntefli frá þeim leik, þ.á.m. gegn ÍBV í síðustu umferð. Fótbolti.net ræddi við Magnús Má Einarsson, þjálfara Aftureldingar, í aðdraganda leiksins.
Afturelding tekur á móti KA á Malbikstöðinni að Varmá á sunnudag. Leikurinn hefst klukkan 16:00 og er Afturelding í leit að sínum fyrsta sigri í þrjá mánuði.
Liðið vann ÍBV 23. júní á Þórsvelli en hefur ekki unnið síðan, en liðið hefur gert fimm jafntefli frá þeim leik, þ.á.m. gegn ÍBV í síðustu umferð. Fótbolti.net ræddi við Magnús Má Einarsson, þjálfara Aftureldingar, í aðdraganda leiksins.
Hvað þarf Afturelding að gera til að vinna á sunnudaginn og hvað hefur vantað upp á til að ná í sigur síðustu mánuði?
„Við þurfum að spila af ennþá meiri gleði sóknarlega og vera ennþá grimmari varnarlega. Frammistöðurnar hafa verið fínar í langflestum leikjum á tímabilinu og nú þurfum við að láta það endurspeglast í góðri stigasöfnun í úrslitakeppninni," segir Maggi.
Er leikurinn lagður upp sem úrslitaleikur?
Leikurinn er fyrri af aðeins tveimur heimaleikjum Aftureldingar í neðri hlutanum.
„Allir leikir í þessari úrslitakeppni eru gríðarlega mikilvægir og þessi leikur er einn af þeim. Afturelding þekkir úrslitakeppni vel og okkur líður vel að spila leiki í úrslitakeppnum."
„Stemningin hjá stuðningsmönnum magnast vanalega upp í úrslitakeppninni og við þurfum á því að halda á sunnudaginn. KFC ætlar að bjóða áhorfendum frítt á leikinn og vonandi troðfylla Mosfellingar áhorfendasvæðið á Malbikstöðinni að Varmá og láta vel í sér heyra. Stuðningurinn hefur verið flottur í sumar og ég veit að stuðningsmennirnir eiga einn gír inni alveg eins og liðið. Ég er sannfærður um að við sjáum alla stíga upp á sunnudaginn og þetta verði frábær dagur í Mosó," segir Maggi.
Afturelding fór í úrslitaleik umspilsins í Lengjudeildinni árið 2023 og vann svo úrslitaleikinn í umspilinu 2024 og komst með því í fyrsta sinn upp í Bestu deildinni.
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 23 | 9 | 5 | 9 | 33 - 41 | -8 | 32 |
| 2. ÍBV | 23 | 8 | 6 | 9 | 25 - 29 | -4 | 30 |
| 3. Vestri | 23 | 8 | 3 | 12 | 23 - 32 | -9 | 27 |
| 4. ÍA | 23 | 8 | 1 | 14 | 30 - 43 | -13 | 25 |
| 5. KR | 23 | 6 | 6 | 11 | 44 - 55 | -11 | 24 |
| 6. Afturelding | 23 | 5 | 7 | 11 | 30 - 40 | -10 | 22 |
Athugasemdir
