Það voru kannski einhverjir sem héldu að Moyes væri búinn eftir að hann sagði skilið við Sunderland 2017 þegar liðið féll úr úrvalsdeildinni. Hann hefur hins vegar gert mjög flotta hluti með West Ham, fyrst frá nóvember 2017 til maí 2018. Hann fékk ekki að halda áfram en var ráðinn aftur í desember 2019.

Skotinn hafði ekki misst trú á sjálfum sér. Þegar Moyes tók aftur við West Ham á síðasta ári, þá sagði hann: „Ég sigra, það er það sem ég geri."

Hann hafði hárrétt fyrir sér því West Ham gerir lítið annað en að vinna þessa dagana. Liðið er búið að vinna sex leiki í röð og er eins og áður segir í fjórða sæti.