Milan 3 - 2 Parma
0-1 Matteo Cancellieri ('24 )
1-1 Christian Pulisic ('38 , víti)
1-2 Enrico Del Prato ('80 )
2-2 Tijjani Reijnders'90 )
3-2 Samuel Chukwueze ( ('90 )
0-1 Matteo Cancellieri ('24 )
1-1 Christian Pulisic ('38 , víti)
1-2 Enrico Del Prato ('80 )
2-2 Tijjani Reijnders'90 )
3-2 Samuel Chukwueze ( ('90 )
AC Milan bar sigur úr býtum gegn nýliðum Parma, 3-2, í dramatískri endurkomu í 22. umferð Seríu A á San Siro í Mílanó á Ítalíu í dag.
Leikurinn fór heldur rólega af stað og gerðist fátt markvert fram að fyrsta markinu sem kom á 24. mínútu. Það gerðu gestirnir í Parma er Matteo Cancellieri fékk allt of mikinn tíma á boltann, náði að leggja hann fyrir sig og setja boltann í bláhornið.
Þetta vakti heimamenn í Milan sem jöfnuðu tæpum stundarfjórðungi síðar er Zion Suzuki, markvörður Parma, ýtti Strahinja Pavlovic í teignum og var það bandaríski vængmaðurinn Christian Pulisic sem skoraði af punktinum.
Parma var mun líklegra í síðari hálfleiknum og þurfti Mike Maignan að taka á stóra sínum í nokkur skipti, en gat lítið gert er hann varði skot Drissa Camara út á Enrico Del Prato sem skoraði úr frákastinu.
Milan var marki undir þegar komið var inn í uppbótartímann og útlit fyrir að Parma næði í mikilvægan útisigur, en þá stigu heimamenn upp með tveimur mörkum á nokkrum mínútum.
Tijjani Reijnders jafnaði metin er hann tók skemmtilegt hlaup inn í teiginn og enginn á eftir honum. Hollendingurinn fékk nægan tíma til að velja sér horn og skoraði síðan af miklu öryggi.
Dramatíkinni var ekki lokið því tæpum þremur mínútum síðar skoraði nígeríski vængmaðurinn Samuel Chukwueze sigurmarkið er Pavlovic skallaði boltann niður í grasið og fyrir Chukwueze sem náði einhvern veginn að pota boltanum í netið.
Mögnuð endurkoma Milan sem er í 6. sæti með 34 stig en Parma fara svekktir og stigalausir frá San Siro, og sitja áfram í 17. sæti með 20 stig.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 38 | 27 | 6 | 5 | 89 | 35 | +54 | 87 |
| 2 | Napoli | 38 | 23 | 7 | 8 | 58 | 36 | +22 | 76 |
| 3 | Roma | 38 | 23 | 4 | 11 | 59 | 31 | +28 | 73 |
| 4 | Como | 38 | 20 | 11 | 7 | 65 | 29 | +36 | 71 |
| 5 | Milan | 38 | 20 | 10 | 8 | 53 | 35 | +18 | 70 |
| 6 | Juventus | 38 | 19 | 12 | 7 | 61 | 34 | +27 | 69 |
| 7 | Atalanta | 38 | 15 | 14 | 9 | 51 | 36 | +15 | 59 |
| 8 | Bologna | 38 | 16 | 8 | 14 | 49 | 46 | +3 | 56 |
| 9 | Lazio | 38 | 14 | 12 | 12 | 41 | 40 | +1 | 54 |
| 10 | Udinese | 38 | 14 | 8 | 16 | 45 | 48 | -3 | 50 |
| 11 | Sassuolo | 38 | 14 | 7 | 17 | 46 | 50 | -4 | 49 |
| 12 | Parma | 38 | 11 | 12 | 15 | 28 | 46 | -18 | 45 |
| 13 | Torino | 38 | 12 | 9 | 17 | 44 | 63 | -19 | 45 |
| 14 | Cagliari | 38 | 11 | 10 | 17 | 40 | 53 | -13 | 43 |
| 15 | Fiorentina | 38 | 9 | 15 | 14 | 41 | 50 | -9 | 42 |
| 16 | Genoa | 38 | 10 | 11 | 17 | 41 | 51 | -10 | 41 |
| 17 | Lecce | 38 | 10 | 8 | 20 | 28 | 50 | -22 | 38 |
| 18 | Cremonese | 38 | 8 | 10 | 20 | 32 | 57 | -25 | 34 |
| 19 | Verona | 38 | 3 | 12 | 23 | 25 | 61 | -36 | 21 |
| 20 | Pisa | 38 | 2 | 12 | 24 | 26 | 71 | -45 | 18 |
