Það er búið að flauta til hálfleiks í leik Tottenham og Olympiakos í riðlakeppni Meistaradeildarinnar, staðan er 2-1 fyrir gestina frá Grikklandi.
Um er að ræða annan leik Tottenham undir stjórn Jose Mourinho. Fyrsti leikurinn var 3-2 sigur gegn West Ham um liðna helgi.
Olympiakos komst í 2-0 á fyrstu 20 mínútum leiksins, en Mourinho var ekki ánægður með það sem hann sá frá sínu liði og ákvað að gera taktíska breytingu á 29. mínútu. Hann tók Eric Dier út af fyrir Christian Eriksen.
„Neyðarúrræði hjá Mourinho. Eitthvað varð að breytast og það var Eriksen fyrir Dier," skrifaði Phil McNulty í textalýsingu BBC.
Stuttu fyrir leikhlé minnkaði Tottenham muninn þegar Dele Alli skoraði eftir mistök í vorn Olympiakos.
Hægt er að fylgjast með stöðu mála í úrslitaþjónustu á forsíðu.
Athugasemdir