Njarðvík heimsækir heitasta lið landsins um þessar mundir, KR, á Meistaravelli í kvöld. Það hefur lítið sem ekkert gengið upp hjá Njarðvík í síðustu leikjum og er liðið komið í fallsæti Inkasso-deildarinnar. Síðasti leikur liðsins endaði með 5-1 tapi gegn Haukum. Ná Njarðvíkingar að rísa upp fyrir leikinn í kvöld?

FH mætir Grindavík og Breiðablik og Fylkir etja kappi í hinum leikjum kvöldsins í Mjólkurbikarnum.

Í Inkasso-deildinni mætast Keflavík og Leiknir R.. Stefán Gíslason var að hætta sem þjálfari Leiknis í gær og er Sigurður Heiðar Höskuldsson tekinn við. Afturelding og Grótta mætast einnig í nýliðaslag í kvöld.

Í 2. deild heimsækir Völsungur Tindastól og í 3. deildinni eru þrír leikir þar sem topplið KV heimsækir botnlið KH meðal annars. Í 4. deild karla eru þrír leikir og má sjá alla leiki dagsins hér að neðan.

fimmtudagur 27. júní

Inkasso deildin - 1. deild karla
19:15 Keflavík-Leiknir R. (Nettóvöllurinn)
19:15 Afturelding-Grótta (Varmárvöllur - gervigras)

2. deild karla
19:15 Tindastóll-Völsungur (Sauðárkróksvöllur)

3. deild karla
19:15 KH-KV (Valsvöllur)
20:00 Skallagrímur-Kórdrengir (Skallagrímsvöllur)
20:00 Sindri-Höttur/Huginn (Sindravellir)

Mjólkurbikar karla
19:15 KR-Njarðvík (Meistaravellir)
19:15 Breiðablik-Fylkir (Kópavogsvöllur)
19:15 FH-Grindavík (Kaplakrikavöllur)

4. deild karla - A-riðill - 4. deild karla
19:00 Ísbjörninn-SR (Kórinn - Gervigras)
20:00 Árborg-Björninn (JÁVERK-völlurinn)

4. deild karla - C-riðill - 4. deild karla
20:00 Álafoss-Léttir (Tungubakkavöllur)