Maradona heldur uppá sextugsafmælið á föstudaginn og var spurður hvað hann vildi helst fá í afmælisgjöf.

„Mig dreymir um að skora annað mark gegn Englandi, nema í þetta skiptið með hægri hendinni," svaraði Maradona og sprakk úr hlátri, enda þekkir hann ríginn sem ríkir á milli Frakka og Englendinga.

Maradona gerði frægt mark gegn Englandi í 8-liða úrslitum HM 1986 þar sem hann skoraði með vinstri hendi. Ekkert VAR til, markið fékk að standa og England var slegið út.

Maradona var einnig spurður út í hvaða leikmenn hann heldur mest uppá í knattspyrnuheiminum og kemur svarið hans fáum á óvart.

„Messi og Cristiano Ronaldo. Í mínum augum eru þessir tveir leikmenn gæðaflokki ofar en allir aðrir. Ég sé engan sem kemst nálægt þeim."