Hann sagði einnig frá því að Cesc Fabregas hefði tapað veðmáli við markvörðinn Willy Caballero er þeir léku saman hjá Chelsea. Þar sem Fabregas tapaði veðmálinu þá þurfti hann að gefa Caballero Range Rover bifreið - hvorki meira né minna.

Fabregas hafði mikla trú á sjálfum sér á vítapunktinum og gerði hann veðmál við markverði Chelsea á æfingasvæðinu.

„Einu sinni á æfingu þá sagði hann við einn af markvörðunum: 'ef þú verð vítaspyrnu frá mér þá gef ég þér einn af tveimur bílum mínum á morgun'," sagði Bulka.

„Markvörðurinn varði ekki, en síðar gerði Fabregas sama veðmál við Willy Caballero. Hann sagði: 'ef þú verð vítaspyrnuna mína, þá kaupi ég handa þér Range Rover'. Willy varði svo vítaspyrnuna frá honum."

„Næsta dag er Range Rover á bílastæðinu, líklega er hann frá 1990, um það leyti. Það voru allar rúður brotnar, hurðin að detta af, enginn spegill. Svo segir hann við Willy: 'hérna er Range Rover-inn þinn."

Hér að neðan má sjá tíst frá Fabregas, sem leikur með Mónakó í dag, eftir að þessi saga kom út opinberlega.