Árni Guðna.
Skoruðu fjögur mörk í dag.
„Tilfinningin er góð, langt síðan síðast, nú þarf bara að venjast þessu og halda áfram að sækja sigra," sagði Árni Guðnason, þjálfari Fylkis, eftir 1-4 útisigur á Völsungi í Lengjudeildinni.
Þetta var einungis annar sigur Fylkis í sumar en hinn kom gegn Selfossi snemma í mótinu. Umræðan hefur verið þannig að það sé heitt undir Árna og stutt í að gerðar yrðu breytingar ef gengið færi ekki að batna. Hugsaðir þú að þið þyrftuð að vinna?
Þetta var einungis annar sigur Fylkis í sumar en hinn kom gegn Selfossi snemma í mótinu. Umræðan hefur verið þannig að það sé heitt undir Árna og stutt í að gerðar yrðu breytingar ef gengið færi ekki að batna. Hugsaðir þú að þið þyrftuð að vinna?
Lestu um leikinn: Völsungur 1 - 4 Fylkir
„Ég vinn mikið með að við þurfum ekki að gera neitt, en við ætluðum okkur að vinna. Ég hef alveg hugsað að staðan sé ekki góð og auðvitað veit maður hvernig þessi heimur virkar. En mér finnst liðið og leikmenn ennþá trúa á þetta verkefni og þessi sigur var... ekki besti leikurinn okkar í sumar, en gott að fá þrjú stig."
„Góð mörk, annað markið smá slysamark, en heilt yfir liðsframmistaða, menn ætluðu sér þetta og það er einfaldara að ná í úrslit þegar liðið gerir þetta saman."
„Ég er hrikalega ánægður með strákana sem komu inn á og þá sem byrjuðu, allir spiluðu vel í dag. Liðið á þennan sigur algjörlega."
Árni fékk gult spjald seint í leiknum. „Heyrðu af því að sjúkraþjálfarinn var svo lengi inn á völlinn, ég ber ábyrgð á honum. Maður þarf að bera ábyrgð á börnunum sínum og einhverjum sjúkraþjálfurum, það er bara áfram gakk."
Árni ræðir um Emil Ásmunds, Arnar Núma og komandi leik gegn ÍR í viðtalinu sem má nálgast í heild sinni í spilaranum efst.
Athugasemdir
