Freyr Bjarnason spilaði sinn síðasta leik á ferlinum í dag. Hann var tekinn útaf á 85. mínútu fékk þá blómvönd og öll stúkan stóð upp og klappaði honum lof í lófa.
"Frábær leið að enda þetta, ég gæti varla hugsað mér það betra, frábært einmitt að halda hreinu og enda þetta með sigri."
Freyr var spurður hvort að það kitlaði ekkert að taka eitt ár í viðbót og taka titilinn af KR.
"Hætta við að hætta? Nei, það ég ætla að kalla þetta gott núna. Vissulega hefði verið gaman að enda þetta með titli en við áttum alveg flott sumar þrátt fyrir að ná ekki titli. Við vorum góðir í Evrópukeppninni en KR-ingar voru bara einu númeri of stórir."
FH-ingar hafa tapað tvisvar gegn Stjörunni í sumar fyrir þennan leik.
"Já við skulduðum sjálfum okkur það að vinna Stjörnumennina, búnir að tapa fyrir þeim tvisvar og við vildum ekki gera það aftur sérstaklega á heimavelli."
Hann var einnig spurður hvað stóð upp úr á sínum langa ferli.
"Frábært þegar við unnum fyrsta titilinn 2004, fyrsti titillinn í sögu FH og það standa upp úr titlarnir allir og félagskapurinn, þetta er búið að vera heiður að spila með þeim og í þessum klúbbi, algjör forréttindi."
"Mér finnst við hæfi að hætta í dag og ég vil ekki spila fyrir annan klúbb en FH, gat ekki hugsað mér það, og vildi enda þetta á góðu nótunum í efstu deild."
Athugasemdir
