David Luiz, varnarmaður Arsenal, telur að leikmenn félagsins verði að taka á sig einhverja ábyrgð fyrir brottrekstur Unai Emery frá félaginu.
Emery var rekinn í gærmorgun eftir að hafa farið í gegnum sjö leiki í röð án sigurs. Hann var ráðinn til Arsenal í fyrra, hann tók við af Arsene Wenger.
David Luiz, sem var keyptur til Arsenal frá Chelsea síðasta sumar, tístaði um brottrekstur Emery í gær.
„Sorgardagur fyrir alla, sérstaklega þar sem við brugðumst þér stjóri. Fyrirgefðu," skrifaði krullhærði varnarmaðurinn.
„Þakka þér og stórkostlega þjálfarateyminu fyrir allt. Þú leggur mikið á þig, ert ástríðufullur um fótbolta og ert fyrirmynd, úrslitin skipta ekki máli."
„Gangi þér vel í framtíðinni."
Arsenal mætir Norwich á sunnudaginn og þar mun Freddie Ljungberg, fyrrum leikmaður Arsenal, stýra liðinu.
Sad day for everybody , especially because we let u down Boss,sorry !! Thank you and the amazing staff for everything !! You are a hard worker , passionate for football and a big example always , doesn’t matter the results ! Good luck for the future ! @UnaiEmery_
— David Luiz (@DavidLuiz_4) November 29, 2019
Athugasemdir