Heiðdís
„Já ég er nokkuð sátt. Það var kannski smá þreyta í hópnum en við náum samt að klára þetta sem er mjög gott," sagði Heiðdís Lillýardóttir, annar af markaskorurum Blika, eftir sigur gegn Tindastól í 16-liða úrslitum Mjólkurbikarsins.
„Við hefðum getað gert margt betur, aðallega sendingar. Ég er sátt með eigin frammistöðu en þetta var erfiður leikur, þær eru með hörkulið."
„Við hefðum getað gert margt betur, aðallega sendingar. Ég er sátt með eigin frammistöðu en þetta var erfiður leikur, þær eru með hörkulið."
Lestu um leikinn: Breiðablik 2 - 1 Tindastóll
Var eitthvað sem kom þér á óvart í leik Tindastóls? „Nei, við vitum alveg hvað þær geta."
Ertu heilt yfir sátt með byrjunina á tímbilinu hjá ykkur? „Já, við erum náttúrulega ekki sáttar með að tapa gegn ÍBV. Það var smá spark í rassinn og við erum búnar að vera mjög gráðugar síðan þá."
Breiðablik fékk sautján hornspyrnur í leiknum og Heiðdís skoraði fyrra mark liðsins eftir eina slíka. Hefði hún viljað setja annað mark?
„Já. Ég sá ekki neitt út af sólinni einu sinni. Ég var alein, vonandi kemur það bara í næsta leik."
„Ég er sátt með markið. Ég er ekki vön að skora þannig þetta var mjög gaman," sagði Heiðdís að lokum.
Þetta var þriðja markið hjá Heiðdísi frá árinu 2015 en hún var meiri markaskorari að skora þegar hún lék með Hetti í upphafi ferilsins.
Athugasemdir
