| lau 31. júlí 2021 13:47 |
|
Vonarstjarna PSV klúðraði málunum - Fær ekki að æfa með aðalliðinu
Mohamed Ihattaren fær ekki að æfa með aðalliðinu og er sennilega á förum
Ihattaren er 19 ára gamall og þykir með efnilegustu sóknartengiliðum heims.
Hausinn virðist þó ekki vera fast skrúfaður á hann og lendir hann reglulega í deilum við yfirmenn sína hjá PSV.
Í mars á þessu ári var hann tekinn úr leikmannahópnum fyrir deildarleik gegn Ajax eftir að hann lét óviðeigandi orð falla eftir að hafa verið settur á bekkinn gegn Olympiakos í Evrópudeildinni nokkrum dögum áður.
Ihattaren náði að vinna sér traustið hjá Roger Schmidt, þjálfara liðsins, eftir að hafa gert samkomulag um að bæta hegðun sína en hann braut það samkomulag á dögunum.
PSV hefur því ákveðið að Ihattaren mun ekki æfa lengur með aðalliðinu og æfir einn en samningur hans við félagið gildir út tímabilið.
Ihattaren sást í Frakklandi á dögunum þar sem hann ræddi við umboðsmann sinn, Mino Raiola, en það er ljóst að hann mun yfirgefa félagið í þessum glugga.
Hann er mikið efni og var meðal annars tilnefndur sem besti ungi leikmaðurinn í Evrópu á síðasta ári.
Sjá einnig:
Viðhorfsvandamál hjá efnilegasta leikmanni PSV
Athugasemdir
Nýjustu fréttirnar
22:43
