„Mér alveg sama hvernig við vinnum svo legi við vinnum fótboltaleikinn og það er langt síðan, búið að vera langt og strangt,'' segir Igor Bjarni Kostic, þjálfari Gróttu, eftir 2-1 sigur gegn Fjölnir í 20. umferð Lengjudeildarinnar.
Lestu um leikinn: Grótta 2 - 1 Fjölnir
Það þarf margt að ganga fyrir Gróttu til þess að halda sér uppi í Lengjudeildinni, en þessi sigur gerir mikið fyrir þá. Igor var spurður út í hvort hann væri alveg enn þá með trú á að halda sér uppi.
„Að sjálfsögðu, hún hefur heldur aldrei farið og það er eignilega það sem er magnað við þennan hóp að þegar maður hittar þá á hverjum einasta degi þá eru þeir alltaf að slást fyrir þessum markmiðum,''
Igor var ánægður með sigurinn, en honum fannst þó þetta ekki vera fallegasti sigurinn.
„Ég er náttúrlega ánægður með að við vinnum, en ef við ætlum að vera krítískir þá er ýmislegt sem við getum lagað og ég bið þá heldur ekki um að vera fullkomnir einmitt núna. Við erum búin að vinna stutt saman,''
Gabríel Hrannar skoraði tvö mörk í dag fyrir Gróttu. Igor var spurður út í hvort hann var sáttur með hann.
„Heldur betur, hann var næstum því búinn að skora þrjú og þetta er mesti tuðari landsins þannig hann hefði ekki haldið kjafti ef hann hefði skorað þrjú mörk,''
Hægt er að sjá viðtalið í heild sinni fyrir ofan.
