Stjórnarformenn liðanna í ensku úrvalsdeildinni samþykktu í kvöld að hafa vetrarfrí í delidinni á næstu leiktíð. Samþykkt var að hafa 13 daga hlé í janúar með þeim fyrirvara að hægt verði að koma öllum leikjum fyrir á öðrum tíma. Samþykktin gildir til tveggja ára fyrst um sinn og verður þá endurskoðuð.
England er eitt af fáum Evrópulöndum sem ekki hefur vetrarfrí á deildinni. Sven Göran Eriksson á heiður af þessu en hann kynnti málið fyrir stjórnarformönnunum og benti þeim á að leikmennirnir myndu græða mikið á þessu fyrir síðari hluta tímabilsins.
Eriksson telur að leikmennirnir eigi að fá heila viku í frí og svo taki við 6 dagar í æfingum áður en leikir hefjast.
Athugasemdir
