Valsmenn mættu í dag til Þrándheims til undirbúnings fyrir seinni leik sinn gegn Rosenborg í forkeppni Meistaradeildarinnar sem verður á miðvikudag. Valur er í flottri stöðu eftir 1-0 sigur í fyrri leiknum á Hlíðarenda.
Ólafur Karl Finsen var í byrjunarliði Valsmanna í fyrri leiknum en hann ræddi við Fótbolta.net eftir æfingu í dag.
Ólafur Karl Finsen var í byrjunarliði Valsmanna í fyrri leiknum en hann ræddi við Fótbolta.net eftir æfingu í dag.
„Þetta er geggjað," sagði Ólafur þegar hann var spurður út í aðstæður. „Frábært að komast á blautt gras og svo æfðum við HM boltann."
„Æfingin var aðeins erfið eftir ferðalagið en við verðum eldferskir á morgun og enn ferskari á miðvikudaginn. Það er ótrúlega gaman að taka þátt í þessu, þetta er mikill undirbúningur og einbeiting."
„Rosenborg er með frábært lið og leikurinn á þeirra heimavelli. Þetta verður ekkert grín."
Útlit er fyrir að Evrópuþátttaka Valsmanna geri það að verkum að Óli getur ekki séð sína uppáhalds hljómsveit, Guns N' Roses, troða upp á Íslandi 24. júlí. Fleiri aðdáendur hljómsveitarinnar eru í Valshópnum, þar á meðal Birkir Már og sjúkraþjálfarinn Einar Óli.
„Það verður örugglega erfiðasti dagur ævi minnar ef maður verður í Andorra eða einhverstaðar þegar tónleikarnir fara fram... en við Einar og Birkir verðum örugglega grenjandi. Þetta er nánast eina sem ég hlusta á, hitt er bara skraut. Axl Rose (söngvari sveitarinnar) hefur alltaf verið mín íþróttafyrirmynd líka. Ef þú skoðar gamla tónleika þá er þetta skuggaleg!"
Sjáðu viðtalið í heild í sjónvarpinu hér að ofan.
Athugasemdir