Sóknarmaðurinn efnilegi Troy Parrott verður frá keppni þegar enska úrvalsdeildin hefst aftur eftir rúmar tvær vikur.
Parrott, sem er á mála hjá Tottenham, fór í botnlangaaðgerð og getur hann ekki byrjað að æfa aftur fyrr en undir lok þessa mánaðar.
Parrott, sem er á mála hjá Tottenham, fór í botnlangaaðgerð og getur hann ekki byrjað að æfa aftur fyrr en undir lok þessa mánaðar.
Enska úrvalsdeildin á að hefjast aftur á þjóðhátíðardegi Íslendinga, þann 17. júní, og kemur Parrott því til með að missa af nokkrum leikjum Spurs.
Parrott, sem er aðeins 18 ára, lék sinn fyrsta aðalliðsleik fyrir Tottenham í september á síðasta ári. Parrott lék svo sinn fyrsta úrvalsdeildarleik í desember síðastliðnum, í 5-0 sigri á Burnley. Stuðningsmenn Spurs hafa kallað eftir því að Jose Mourinho spili honum meira.
Tottenham er sem stendur í áttunda sæti ensku úrvalsdeildarinnar.
Athugasemdir