Samúel var allt annað en sáttur með dómgæsluna í Laugardalnum
Samúel Samúelsson, formaður meistaraflokksráðs Vestra, segir dómgæsluna hafa verið óboðlega í 2-1 tapi liðsins gegn KR í Bestu deildinni í dag.
Lestu um leikinn: KR 2 - 1 Vestri
VAR hefði komið að góðum notum á AVIS-vellinum í dag en nokkuð var um umdeild atvik.
Atvikið sem Samúel er væntanlega að tala um er markið sem Daði Berg Jónsson skoraði tæpum tuttugu mínútum fyrir leikslok, mark sem hefði komið Vestra í tveggja marka forystu á mikilvægum tímapunkti leiksins.
Markið var dæmt af vegna rangstöðu en það virtist rangur dómur þar sem Aron Þórður Albertsson virtist spila Daða réttstæðan. Stuttu eftir það jafnaði KR áður en Atli Hrafn Andrason tryggði KR sigurinn með marki undir lok leiks.
„KR þurfti hjálp frá gula liðinu í dag! Algjörlega óboðlegt að það sjá þetta allir nema gaurinn sem á að dæma þetta!“ sagði Samúel á X.
KR þurfti hjálp frá gulaliðinu í dag! Algjörlega óboðlegt að það sjá þetta allir nema gaurinn sem á að dæma þetta !
— Samúel Samúelsson (@SSamelsson) June 1, 2025
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
