Víkingar eru taplausir í síðustu 4 leikjum sínum eftir markalaust jafntefli gegn Skagamönnum í Víkinni í kvöld.
Víkingar héldu boltanum mun meira í leiknum í kvöld og geta í raun nagað sig í handarbökin þótt fátt hafi verið um færi en Nikolaj Hansen klúðraði vítaspyrnu sem dæmd var eftir að Árni Snær í marki Skagans braut á honum á klaufalegan hátt.
Víkingar héldu boltanum mun meira í leiknum í kvöld og geta í raun nagað sig í handarbökin þótt fátt hafi verið um færi en Nikolaj Hansen klúðraði vítaspyrnu sem dæmd var eftir að Árni Snær í marki Skagans braut á honum á klaufalegan hátt.
Lestu um leikinn: Víkingur R. 0 - 0 ÍA
„Svekktur, við vorum rosalega mikið með boltann í dag en okkur vantaði bara þetta fræga fyrsta mark til að opna flóðgáttir þetta voru náttúrulega tveir mjög ólíkir leikstílar í dag og auðvitað agalegt að klúðra vítinu," sagði Arnar Gunnlaugsson um sin fyrstu viðbrögð eftir leik.
Víkingar voru mun meira með boltann í leiknum og minnti spil þeirra út á velli á köflum á handboltastimplun kanta á milli. Voru Skagamenn svona hrikalega þéttir og hleyptu Víkingum ekki nær.
„Þeir komu hérna og voru að verja stigið sitt vel. Spiluðu 5-4-1 og á móti svoleiðis kerfi er erfitt að finna svæði og erfitt að finna glufur og eins og ég sagði þá þurfti alltaf fyrsta markið til að fá þá framar.“
Kwame Quee lék sinn fyrsta leik fyrir Víking í dag og sögur eru uppi um að Rick Ten Voorde sé á förum frá Víkingum. Er eitthvað til í þeim fréttum og hyggjast Víkingar bæta fleirum við?
„Já við höfum alltaf augun opin og fótboltamenn eru ekkert heimskir, þeir átta sig alveg á stöðunni. Rick er ekki búinn að vera í hóp núna í 3 leiki í röð og auðvitað vill hann spila eins og allir aðrir og svo getur verið að 1-2 fari á lán sem hentar þá bæði leikmönnunum og klúbbnum sjálfum.“
Sagði Arnar Gunnlaugsson en allt viðtalið má sjá hér að ofan.
Athugasemdir