„Hörkuleikur, bara tvö mjög góð lið en við skorum þrjú og það er það sem skilur liðin að. Þeir fengu alltof mörg föst leikatriði en við 'dealuðum' vel við það og klárum okkar færi. Við mættum vel til leiks þannig ég er mjög sáttur."
Sagði Guðmundur Baldvin Nökkvason leikmaður Stjörnunnar eftir að liðið hans vann FH 3-0 í Kaplakrika í kvöld. Guðmundur var að spila sinn fyrsta byrjunarliðs leik eftir erfið meiðsli og skoraði verulega fallegt mark í leiðinni.
Lestu um leikinn: FH 0 - 3 Stjarnan
„Það var bara geðveikt, það var erfitt að byrja aftur en gott að vera kominn til baka. Ég bara sá skotfærið og ákvað að taka það. Ég bara hefði ekki getað beðið um betri byrjun. Ég er bara mjög ánægður, með mig og allt liðið."
Það var mikil harka í leiknum en Pétur Guðmundsson dómari leiksins reyndi að geyma spjöldin sín sem mest í vasanum og reyndi að flauta sem minnst.
„Mér fannst dómarinn leyfa þeim aðeins of mikið, þeir fengu að sleppa með aðeins of mikið. En eins og þú segir bara hörkuleikur, og gaman að spila svona leiki."
Viðtalið má sjá í heild sinni í spilaranum hér fyrir ofan.
