Lestu um leikinn: Ísland 1 -  0 Slóvakía

„ Mér fannst erfitt að brjóta Slóvakíu í leiknum, þær lágu mjög lágt niður á vellinum en svæðin voru meira á köntunum. Við byrjuðum með mikið af fyrirgjöfum en vorum kannski ekki alveg nógu heitar inn í teignum. Það er alltaf erfitt að spila á móti liði sem liggur svona djúpt en mér fannst við gera vel, við vorum þolinmóðar og biðum eftir tækifærinu. Síðan nýtir Elín það mjög vel.“

Slóvanska liðið lokaði miðjunni vel og átti Ísland í miklum vandræðum með að skapa sér almennileg færi framan af í leiknum.

„Við vissum að þær voru fastar fyrir og væla mikið, það reyndi á þolinmæðina hjá okkur en við gerðum það vel.“

Ísland byrjar þessa undankeppni frábærlega með 6 stig eftir fyrstu tvo leikina.

„Ég og við erum með gott sjálfstraust eftir þessa ferð, 6 stig og fullt hús.“

Áhorfendatölur í þessum tveim leikjum hafa ekki verið nægilega góðar, en aðeins 2326 mættu á völlinn í kvöld.

„Ég er bara þakklát fyrir fólk sem kemur og styður okkur, það skiptir máli, “ sagði Sara Björk að lokum.

Viðtalið í heild má sjá í spilaranum hér að ofan.