Rúnar Alex er í markinu hjá Arsenal
Byrjunarliðin í Evrópudeildinni eru klár en Rúnar Alex Rúnarsson er í marki Arsenal gegn Rapid Vín á meðan Albert Guðmundsson er í fremstu víglínu hjá AZ Alkmaar sem mætir Napoli.
Rúnar Alex hefur spilað tvo leiki með Arsenal frá því hann kom til félagsins undir lok gluggans en hann hefur haldið hreinu í báðum leikjunum. Arsenal er í efsta sæti riðilsins með 12 stig þegar tveir leikir eru eftir.
Hann fær aftur tækifærið í liðinu í kvöld er Arsenal spilar við Rapid Vín á Emirates.
Albert Guðmundsson er þá í liði AZ Alkmaar sem fær erfitt verkefni gegn Napoli en AZ er í þriðja sæti með 7 stig á meðan Napoli er á toppnum með 9 stig. Sverrir Ingi Ingason er á bekknum hjá PAOK sem spilar við Omonia Nicosia.
Byrjunarlið Arsenal gegn Rapid Vín: Runarsson, Cedric, Mustafi, Mari, Kolasinac, Maitland-Niles, Nelson, Pepe, Elneny, Nketiah, Lacazette.
Byrjunarlið AZ Alkmaar gegn Napoli: Bizot, Sugawara, Wijndal, Hatzidiakos, Martins Indi, Koopmeiners, Midtso, De Wit, Stengs, Aboukhlal, Gudmundsson
Athugasemdir
