Falkirk rak Ray McKinnon úr stjórastarfinu í nóvember en Lee Miller og David McCracken stýra liðinu tímabundið þessa stundina.

Lee og David unnu 4-1 sigur á Linlithgow Rose í skoska bikarnum í fyrsta leik sínum og um helgina vann Falkirk lið Stranraer 3-0 í C-deildinni. Falkirk er í dag í 3. sæti deildarinnar.

Falkirk Herald segir að Gregg Ryder komi til greina í starfið en þar kemur fram að forráðamenn Falkirk ætli að gefa sér tíma í að velja nýjan stjóra og að yfir 30 aðilar hafi sótt um.

Gregg stýrði Þór á nýliðnu tímabili en hann hætti störfum í haust. Áður þjálfaði hann Þrótt í fjögur ár.