Íslenska kvennalandsliðið mætir Suður-Kóreu í æfingaleik í Suður-Kóreu í nótt klukkan 05:00 á íslenskum tíma.
Jón Þór Hauksson þjálfari landsliðsins er spenntur fyrir leiknum í nótt en hann var í viðtali á heimasíðu KSÍ.
Jón Þór Hauksson þjálfari landsliðsins er spenntur fyrir leiknum í nótt en hann var í viðtali á heimasíðu KSÍ.
„Fyrstu dagarnir hafa verið mjög góðir, það er gaman að koma hingað og það er ekki á hverjum degi sem manni gefst tækifæri til að heimsækja Suður-Kóreu. Það hefur verið virkilega vel hugsað um okkur og við höfum verið að æfa við fínar aðstæður og það hefur allt gengið vel. Við erum spennt fyrir leiknum á morgun," sagði Jón Þór sem segir að stelpurnar séu klárar í slaginn.
„Það tók fyrstu dagana að snúa sólarhringnum við og aðlaga okkur að tímamismuninum en það er allt saman klárt."
„Við leggjum leikinn upp þannig að við reynum að koma okkur hærra upp á völlinn og reynum að verjast hærra upp á vellinum. Það er alveg ljóst að við þurfum að spila þéttan varnarleik en við leggjum hann ekkert endilega þannig upp að við verðum nálægt markinu okkar. Þéttleikinn verður til staðar. Suður-Kórea spilar skipulagðan sóknarleik og sækir á mörgum mönnum. Það mun reyna á okkar þéttleika varnarlega séð, þetta verður krefjandi verkefni," sagði landsliðsþjálfarinn í viðtali við Óskar Guðbrandsson fjölmiðlafulltrúa KSÍ.
Viðtalið við Jón Þór má sjá í sjónvarpinu hér að ofan.
Athugasemdir