banner
   þri 06. apríl 2021 05:55
Victor Pálsson
Meistaradeildin í dag - Real Madrid mætir Liverpool
Mynd: Getty Images
Það eru tveir stórleikir á dagskrá í Meistaradeildinni í kvöld en 8-liða úrslit keppninnar hefjast með tveimur viðureignum.

Báðir leikir hefjast klukkan 19:00 en leikið er á Etihad vellinum í Manchester og á æfingavelli Real Madrid á Spáni.

Manchester City tekur á móti Borussia Dortmund á Englandi og má búast við miklu fjöri er Erling Haaland og hans menn mæta til leiks.

Real Madrid spilar þá við Liverpool á Alfredo di Stefano vellinum í Madríd þar sem tvö stórveldi eigast við.

Eden Hazard, fyrrum leikmaður Chelsea, verður ekki með Real í leiknum en hann er enn meiddur og er ekki leikfær.

Í báðum leikjum er um fyrri viðureignina að ræða en tveir leikir fara einnig fram á morgun.

8-liða úrslit Meistaradeildarinnar:
19:00 Manchester City - Dortmund
19:00 Real Madrid - Liverpool
Athugasemdir
banner
banner
banner