Gomes, 25 ára, er ekki með byrjunarliðssæti hjá Marseille en hann var lykilmaður í liði Lille áður en hann skipti um félag á frjálsri sölu síðasta sumar.

Hann hefur skorað fjögur mörk og lagt eitt upp á rúmlega 1000 mínútum á leiktíðinni og er enn minna pláss fyrir hann í byrjunarliðinu eftir að Marseille náði í Ethan Nwaneri og Quinten Timber á dögunum.

Félögin hafa verið í viðræðum síðustu vikur en það virðist enn nokkuð langt í að samkomulag náist. Fleiri félög eru einnig áhugasöm um að fá Gomes á næstu dögum.

Gomes er með fjóra landsleiki að baki fyrir England eftir að hafa verið lykilmaður upp yngri landsliðin.

Hann ólst upp í akademíunni hjá Manchester United og lék tíu keppnisleiki fyrir félagið, þar af fimm í ensku úrvalsdeildinni, áður en hann skipti til Lille sumarið 2020.

Wolves er aðeins búið að ná í 8 stig úr 23 umferðum af enska úrvalsdeildartímabilinu og þarf á kraftaverki að halda til að forðast fall. Sex af stigunum átta komu í fjórum af síðustu fimm deildarleikjum liðsins.

Smelltu hér til að kaupa áskrift að Livey