Víðir frá Garði var að krækja í öflugan liðsstyrk í formi Nemanja Latinovic sem gerir samning út tímabilið.
Nemanja, eða Nemó eins og hann er kallaður, er uppalinn Grindvíkingur með 112 keppnisleiki að baki fyrir uppeldisfélagið. Hann spilaði 15 leiki í Lengjudeildinni í fyrra en samdi ekki aftur við Grindavík.
Nemó hefur verið samningslaus fyrri hluta árs en gengur nú til liðs við Víði sem er á toppi 3. deildar með 12 stig eftir fimm umferðir. Hann gæti reynst gríðarlega mikilvægur í toppbaráttunni þar.
Nemó er 27 ára gamall miðjumaður sem getur einnig leikið sem bakvörður.
Hann hefur verið að æfa með Víði í sumar og hefur ákveðið að taka slaginn í þriðju deild.
Athugasemdir
