Sædís Rún átti frábæran leik í liði Vålerenga
Daníela Dögg Guðnadóttir og Sædís Rún Heiðarsdóttir voru báðar á skotskónum í norska bikarnum í kvöld.
Sædís Rún átti stórleik í 7-1 sigri Vålerenga á Sandefjord í 32-liða úrslitum.
Hún lagði upp fyrsta mark leiksins og átti síðan aðra stoðsendingu í þriðja marki liðsins.
Landsliðskonan fullkomnaði leik sinn með marki á 57. mínútu er hún mætti á fjær og kláraði vel. Frábær leikur hjá Sædísi sem spilar stórt hlutverk hjá norsku meisturunum.
Daníela Dögg kom inn á sem varamaður hjá Álasund sem vann Marie Jóhannsdóttur og stöllur hennar í Molde, 8-0. Daníela kom inn á í hálfleik og skoraði sjötta mark Álasunds. Marie var ekki í hóp hjá Molde í leiknum.
Athugasemdir
