Varnarjaxlinn Kári Árnason byrjaði sem fyrirliði Íslands gegn Tékklandi í vináttulandsleik í Katar í dag. Kári spilaði fyrri hálfleikinn í hitanum í Doha.
Leikurinn endaði með 2-1 sigri Tékka, en íslenska liðið fékk færi til þess að ná í jafntefli eða sigur úr leiknum.
„Það er leiðinlegt að tapa þessum leik, við áttum skilið meira þó þetta hafi ekki verið frábært. Við sköpuðum nægilega mikið af færum til að vinna þetta," sagði Kári eftir leikinn.
Leikurinn endaði með 2-1 sigri Tékka, en íslenska liðið fékk færi til þess að ná í jafntefli eða sigur úr leiknum.
„Það er leiðinlegt að tapa þessum leik, við áttum skilið meira þó þetta hafi ekki verið frábært. Við sköpuðum nægilega mikið af færum til að vinna þetta," sagði Kári eftir leikinn.
Lestu um leikinn: Ísland 1 - 2 Tékkland
Fyrra mark Tékka í leiknum af með íslensku yfirbragði, en það kom eftir langt innkast. Kári var að dekka leikmanninn sem skoraði.
„Ég á part af sökinni í því," sagði Kári um fyrra mark Tékka.
„Ég bjóst ekki við því að hann (boltinn) myndi fara yfir þá og hann dettur og ég reyni að setja hnéið í hann og geri það. En hann er mættur með fótinn og ég hnjá-a hann í löppina á honum og hann skorar. Þetta var ekki alveg nógu gott."
Íslenska landsliðið er ekki þekkt fyrir að vinna alla sína vináttulandsleiki, en það er ekki endilega slæmt.
„Þetta hefur breyst frá því í gamla daga þegar við unnum alla vináttulandsleiki og töpuðum mótsleikjum. Ég myndi frekar kjósa að vinna mótsleikina og tapa hinum."
„Við ætluðum samt engu að síður að vinna í dag."
Athugasemdir
