Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

fös 08. nóvember 2024 17:24

Guðmundur Aðalsteinn Ásgeirsson
Viðtal

Hefði valið Gylfa í hópinn - „Maður verður bara að virða það"

Age Hareide, landsliðsþjálfari Íslands.

Mynd: Fótbolti.net - Hafliði Breiðfjörð

Gylfi Þór Sigurðsson.

Mynd: Fótbolti.net - Hafliði Breiðfjörð

„Já," sagði Age Hareide, landsliðsþjálfari Íslands, aðspurður að því hvort hann hefði valið Gylfa Þór Sigurðsson í landsliðshópinn ef á því hefði verið kostur.

Gylfi er ekki í hópnum fyrir síðustu tvo leikina í Þjóðadeildinni gegn Svartfjallalandi og Wales en hann sagði frá því nýverið að það hefði verið sameiginleg ákvörðun á milli sín og KSÍ um að hann myndi hvíla í þessu verkefni.

„Fjölskylduástæður og aðrar ástæður sem spila inn í. Ég er bara sultuslakur," sagði Gylfi í Dr Football en hann var að eignast sitt annað barn.

Hareide var spurður frekar út í þetta í viðtali við Fótbolta.net núna áðan. „Þú verður að virða það þegar fólk telur það mikilvægara að vera heima í staðinn fyrir að fara með landsliðinu. Maður verður bara að virða það."

„Við gerum það," sagði landsliðsþjálfarinn.

Gylfi, sem er 35 ára miðjumaður, er markahæsti leikmaður í sögu landsliðsins, hefur skorað 27 mörk í 83 leikjum.

Það er markmiðið
Hareide er spenntur fyrir komandi verkefni. Báðir leikirnir eru útivellir. Ísland mætir Svartfjallalandi laugardaginn 16. nóvember og mun svo leika gegn Wales þriðjudaginn 19. nóvember.

Ísland er í þriðja sæti í riðli sínum í Þjóðadeildinni og ef það verður niðurstaðan mun liðið fara í umspil um að halda sæti sínu í B-deild Þjóðadeildarinnar. Hareide vonast hinsvegar til þess að geta hreppt annað sætið sem gefur umspil um að fara upp í A-deildina.

„Það eru mjög áhugaverðir leikir framundan og mikilvægir leikir. Við getum enn komist í umspil um A-deildina og það er markmiðið," segir Hareide.

„Við getum ekki tapað fleiri stigum. Auðvitað vonumst við eftir því að búa til úrslitaleik við Wales. Miðað við hvernig við höfum spilað, þá finnst mér við eiga það skilið. Ég er jákvæður fyrir þessa leiki."

Allt viðtalið má sjá í spilaranum hér að ofan þar sem Hareide ræðir nánar um hópinn, leikina sem eru framundan og sína framtíð.