Fram náði í dag að vinna sinn fyrsta sigur í Lengjudeild kvenna í mjög svo skemmtilegum leik.

Ólína Sif Hilmarsdóttir kom Fram í forystu en það voru gestirnir í FHL sem leiddu í hálfleik. Þær jöfnuðu með sjálfsmarki og Rósey Björgvinsdóttir kom þeim yfir.

Snemma í seinni hálfleiknum jafnaði Þórey Björk Eyþórsdóttir fyrir Fram og í uppbótartímanum gerðist þetta:

„Sigurmark í uppbótartíma! Fram búið að liggja á vörn FHL allan seinni hálfleikinn og loksins skora þær. Góð fyrirgjöf og Fanney Birna gerir allt rétt!" skrifaði Halldór Gauti Tryggvason í beinni textalýsingu þegar Fanney Birna Bergsveinsdóttir skoraði.

Fram komst upp af botninum, upp af fallsvæðinu með þessum sigri. FHL er í sæti fyrir ofan með sex stig.