Hannes Þór Halldórsson hafði nóg að gera í Evrópuleik kvöldsins þar sem Valsmenn töpuðu 0-3 á heimavelli fyrir NK Maribor.
"Við erum svekktir, gáfum allt í þetta en töpum 0-3, það eru ljótar tölur. Við vorum að spila á móti hörkuliði sem voru sigurstranglegri og í svoleiðis viðureign þá þurfa hlutirnir að falla með þér."
"Við erum svekktir, gáfum allt í þetta en töpum 0-3, það eru ljótar tölur. Við vorum að spila á móti hörkuliði sem voru sigurstranglegri og í svoleiðis viðureign þá þurfa hlutirnir að falla með þér."
Valsarar áttu fína spretti í fyrri hálfleik í dag.
"Við áttum tvö góð færi í fyrri hálfleik, þeir fá engin færi þar til þeir fá þessa aukaspyrnu, þegar þeir skora það mark þá verður þetta þungt. Við vorum að verjast vel í fyrri hálfleik, Patrik skýtur rétt yfir og Óli er í góðu færi. Markið kemur upp úr aukaspyrnu þar sem mér fannst við hefðum átt að vera grimmari því hann er geggjaður spyrnumaður þessi gæi."
Býsna stórt tap og erfið viðureign framundan, hvernig ætla menn að tækla það verkefni?
"Við förum í þennan leik til að fá reynslu og góða upplifun. Maður hefur ákveðið stolt sem knattspyrnumaður, við förum út til að gefa allt í þetta og vera deildinni og landinu til sóma".
Nánar er rætt við Hannes í viðtalinu sem fylgir.
