Það er skemmtilegt kvöld framundan í íslenska boltanum þar sem fyrsti leikur í 8-liða úrslitum Mjólkurbikarsins fer fram á Akureyri.
KA tekur þar á móti Ægi og hefur Akureyringum gengið vel í Bestu deildinni í sumar þar sem þeir eru í þriðja sæti. Ægismönnum hefur einnig gengið vel og eru þeir í þriðja sæti í 2. deild og berjast um að komast upp í Lengjudeildina.
Það verður fróðlegt að sjá hvort gestunum frá Þorlákshöfn, sem slógu Fylki út í síðustu umferð, takist að stríða heimamönnum.
Selfoss mætir þá Þór í Lengjudeildinni en aðeins tvö stig skilja liðin að um miðja deild. Þór er á mikilli siglingu með þrjá sigra í röð á meðan Selfyssingar eru aðeins búnir að næla sér í eitt stig úr síðustu fjórum leikjum.
HK getur þá aukið forystu sína á toppi deildarinnar í fjögur stig með sigri gegn botnliði Þrótti Vogum í Kópavogi. Það bendir allt til þess að liðin sem féllu úr efstu deild í fyrra, HK og Fylkir, fari beint aftur upp. HK getur unnið sjötta deildarleikinn í röð með sigri í kvöld.
Þróttur situr sem fastast á botni deildarinnar og er ellefu stigum frá öruggu sæti, aðeins með sex stig eftir fimmtán umferðir.
Mjólkurbikar karla
18:00 KA-Ægir (KA-völlur)
Lengjudeild karla
17:00 Selfoss-Þór (JÁVERK-völlurinn)
19:15 HK-Þróttur V. (Kórinn)
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
