Ejub Purisevic þjálfari Víking Ólafsvík
Víkingur Ólafsvík skellti sér suður með sjó þegar flautað var til leiks í 11.Umferð Inkasso deildar karla en þeir mættu á Rafholtsvöllinn og mættu þar heimamönnum í Njarðvík sem fyrir þennan leik voru búnir að tapa sínum síðustu sjö leikjum en það átti allt eftir að breytast í þessum leik.
Lestu um leikinn: Njarðvík 3 - 0 Víkingur Ó.
„Það er alltaf vont að tapa og mér fannst leikurinn vera í nokkru jafnvægi og við vorum ívið sterkari fram að fyrsta marki og svo í kjölfarið kom annað markið og þá var þetta mjög erfitt og í hálfleik vorum við að reyna endurskipurleggja og koma inn og við áttum dauðafæri til að minnka muninn og svo í kjölfarið fengum við rautt spjald og það var bara mjög erfitt." Sagði Ejub Purisevic þjálfari Víking Ólafsvíkur eftir leik.
„Við erum bara eins og við höfum verið venjulega að spila, við höfum okkar stíl og mér fynnst eins og ég sagði fyrsta korter, tuttugu mínútur fyrir markið áttum við yfirhöndina, við áttum eitt mjög gott færi sem við áttum að gera betur en það var einfaldlega bara mjög erfitt á köflum að spila, þetta var mikil barátta og virtist vera bara það lið sem ætlaði að vera fyrst að nýta sér eitthvað færi eða baráttuna að vinna þennan leik sem bara gerðist."
Það var heldur mikið um spjöld í leiknum í dag en alls fóru 9 spjöld á loft í leiknum og því við hæfi að spyrja hvort Ejub sem fékk einmitt eitt þessara spjalda fannst dómarinn hafa góð tök á leiknum í dag.
„Ég veit það ekki, ég ætla ekki að tala um þessa hluti. Það hlítur að vera rétt fyrst hann er búin að dæma þetta."
Þegar mótið er hálfnað hafa Víkingar frá Ólafsvík aðeins verið að dragast aftur úr toppbaráttunni í deildinni.
„Ég hef aldrei sagt að við ætluðum í einhverja toppbaráttu í sumar, við erum með 17 stig og það verður ekki af okkur tekið og við einbeitum okkur að næsta leik og þessi deild er ég búin að segja fyrir löngu síðan að það er erfitt að rýna í þessa deild fyrr en það er búið að spila 7-8 umferðir og þá mun maður nokkurnveginn sjá hvernig liðin eru og hvaða gæði þau hafa, mér fynnst að lengi hefur þetta verið mjög jafnt og það eru bara svona 7-8 lið í deildinni svipuð og kannski 2-3 lið sem eru með aðeins meiri gæði heldur en aðrir en það hefur spilast mjög jafnt og allir að vinna alla og við ætlum bara að einbeita okkur að næsta leik og sjáum svo bara til hvað verður en maður er alltaf að vona að maður geti fengið fleirri stig."
Nánar er rætt við Ejub Purisevic í spilaranum hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
