Í útvarpsþættinum Fótbolti.net á X977 á laugardaginn var ótímabæra spáin fyrir Lengjudeildina opinberuð. Baldvin Már Borgarsson sérfræðingur þáttarins mætti í hljóðver og skoðaði liðin.

Lengjudeild karla fer af stað 3. maí og er þetta annað árið með nýja fyrirkomulaginu þar sem aðeins efsta liðið kemst beint upp. Liðin í sætum 2-4 fara svo í umspil sem lýkur með 50 milljóna króna leiknum, úrslitaleik á Laugardalsvelli.

Baldvin spáir því að Afturelding nái að sleikja sárin frá síðasta sumri og vinni deildina í ár. Í undanúrslitum umspilsins mætist Keflavík og Fjölnir annars vegar og í hinum leiknum Leiknir og Þór.

Áhugavert er að hann spáir ÍBV fyrir utan umspilið, í sjötta sætinu. Nýliðarnir ÍR og Dalvík/Reynir fara beint aftur niður í 2. deildina ef ótímabæra spáin rætist.