Brynjar Skúlason þjálfari Leiknis F.
Leiknir F. fór í heimsókn til nafna sinna á Domusnovavöllinn í Breiðholti fyrr í dag þegar Leiknisliðin mættust í Lengjudeild karla.
Lokatölur urðu 2-1 heimamönnum í vil sem réðu lögum og lofum allann leikinn og hefðu að ósekju átt að vinna talsvert stærri sigur ef mið er tekið af færunum sem þeir misnotuðu.
Lokatölur urðu 2-1 heimamönnum í vil sem réðu lögum og lofum allann leikinn og hefðu að ósekju átt að vinna talsvert stærri sigur ef mið er tekið af færunum sem þeir misnotuðu.
Lestu um leikinn: Leiknir R. 2 - 1 Leiknir F.
„Var þetta ekki bara sanngjarnt? Þeir fengu helling af dauðarfærum og við ekki þannig að við fengum bara það sem við áttum skilið.“
Sagði Brynjar Skúlason þjálfari Leiknis F. um sín fyrstu viðbrögð eftir leik.
Þrátt fyrir að Leiknir R. hafi haft tögl og haldir í leiknum tókst þeim ekki að loka honum og komust gestirnir inn í leikinn með marki úr vítaspyrnu á 78 mínútu leiksins og gerðu svo tilkall til annarar vítaspyrnu undir lok leiks þegar boltinn virtist fara í hönd varnarmanns. Hvernig horfði það við Brynjari?
„Ég er 100% viss um að ef þetta hefði verið í hinum teignum þá hefði verið dæmt víti. Mér finnst að dómarar hafi ekki haft pung til þess að dæma með okkur í sumar eða hefur ekki verið í þessum leikjum hingað til og breyttist ekki í dag. Mér finnst við fá óðgeðslega mikið af gulum spjöldum fyrir lítið og þeir voru búnir að brjóta af sér illa nokkrum sinnum í fyrri hálfleiknum og ekki neitt og svo byrjar bara eitthvað spjaldakjaftæði hjá dómaranum.
“
Hópurinn hjá Fáskrúðsfirðingnum er þunnur og mega þeir illa við frekari skakkaföllum eða eins og Brynjar orðar það.
„Við erum með 8 meidda fyrir þennan leik og 2 í banni. Ég dró hingað einn gamlann sem var hættur í fótbolta með okkur í dag og einn 16 ára og einn í viðbót en við spilum úr því sem við höfum.“
Sagði Brynjar en allt viðtalið má sjá hér að ofan.
Athugasemdir
