„Alls ekki, við vorum með þá í fyrri hálfleik, vorum miklu betri og áttum miklu fleiri færi en þeir. Í seinni fengum við mark á okkur og þá slokknaði aðeins á okkur. Mér fannst ég skora löglegt mark í lokin. Við vorum með þá í lokin, fengum dauðafæri hvað eftir annað. Ég er drullusvektur bara," sagði Valgeir Lunddal Friðriksson, leikmaður U21 árs landsliðsins, eftir tap gegn Portúgal.
Lestu um leikinn: Ísland U21 0 - 1 Portúgal U21
„Hann er líklega að dæma á þá snertingu sem átti sér stað milli mín og markvarðarins. Er ekki talað um að markmenn eru heilagir í markteignum? Mér fannst þetta ekki vera neitt. Dómarinn gaf mér svo gult spjald og hann sagði að það hefði verið fyrir brotið. Mér finnst það mjög skrítið ef ég segi alveg eins og er."
Portúgalska liðið er sterkt, er með þrjá sigra í riðlinum og síðasta U21 lið þeirra fór í úrslitaleik á EM. Þessi frammistaða hlýtur að gefa góð fyrirheit upp á framhaldið að gera?
„Já, auðvitað. Fólk sem var að horfa á þennan leik sér að við áttum allt í þá og við vorum jafnvel betri en þeir í þessum leik. Það er svo svekkjandi að fá ekki eitt eða þrjú stig úr þessum leik," sagði Valgeir.
Viðtalið í heild má sjá í spilaranum að ofan
