Telegraph: Liverpool meistari þó að tímabilið verði flautað af

Telegraph segir frá því í kvöld að allt bendi til þess að Liverpool verði enskur meistari á þessu tímabili þó að svo gæti farið að ekki takist að ljúka tímabilinu vegna kórónuveirunnar.

Tímabilinu hefur verið frestað til 4. apríl en menn í Bretlandi eru mjög svartsýnir á að hægt verði að byrja að spila á nýjan leik þá vegna veirunnar.

Engar reglur eru til um það hvað gerist ef ekki tekst að klára tímabilið.