13.05.20 - 17:33
Sæbjörn Þór Þórbergsson Steinke
Serie A af stað 13. júní ef stjórnvöld gefa grænt ljós
Mynd: Getty Images
Mynd: Getty Images
Í dag kom tilkynning frá Ítalíu þar sem Serie A, efsta deildin þar í landi, stefnir á að hefja leik að nýju þann 13. júní. Ekki hefur verið leikið á Ítalíu síðan 9. mars vegna heimsfaraldursins.
Félög í efstu deild hófu einstaklingsæfingar í síðustu viku og er stefnan sett á að hefðbundnar æfingar hefjist næsta mánudag, 18. maí.
Félög í efstu deild hófu einstaklingsæfingar í síðustu viku og er stefnan sett á að hefðbundnar æfingar hefjist næsta mánudag, 18. maí.
Ekki hefur verið gefið grænt ljós af stjórnvöldum að keppnisleikir megi fara fram þessa aðra helgi í júní en ef það kemur þá er stefnan að hefja leik sama dag og Íslandsmótið og enska úrvalsdeildin hefst.
Ítalía er eitt þeirra landa sem heimsfaraldurinn hefur farið hvað verst með og í síðustu viku greindust þrír leikmenn Fiorentina með kórónaveiruna og einn leikmaður Torino.
Juventus er á toppi deildarinnar en tólf heilar umferðir eru eftir ásamt fjórum leikjum sem þurfti að fresta.
Ítalía er eitt þeirra landa sem heimsfaraldurinn hefur farið hvað verst með og í síðustu viku greindust þrír leikmenn Fiorentina með kórónaveiruna og einn leikmaður Torino.
Juventus er á toppi deildarinnar en tólf heilar umferðir eru eftir ásamt fjórum leikjum sem þurfti að fresta.
