Hákon Arnar Haraldsson spilaði í kvöld sinn fyrsta byrjunarliðsleik fyrir Ísland á Laugardalsvelli og ræddi hann við Fótbolta.net eftir 2-2 jafnteflið við Ísrael.
„Svona fyrsta er bara svekkjandi að hafa ekki náð að klára þetta en gaman að fá fyrsta byrjunarliðsleikinn á Laugardalsvelli."
Lestu um leikinn: Ísland 2 - 2 Ísrael
Hákon Arnar Haraldsson slapp í gegn í fyrri hálfleik þegar Ísland náði frábæri skyndisókn og Hákon lagði boltann á Arnór Sigurðsson sem náði ekki að setja boltann í netið.
„Aðsjálfsögðu er ég svekktur að hann hafi ekki sett hann en þetta var vel varið, vanlega hefði Arnór sett hann en svona er þetta og leikurinn fór eins og hann fór."
Hákon Arnar Haraldsson hefur verið mikið í umræðunni um hversu góður hann er í pressu og var Hákon spurður hvort það væri uppleggið að hann væri út um allan völl að pressa.
„Það var sett upp með að við myndum pressa vinsta megin og ég myndi fara á hægri hafsentinn, kannski því ég er góður að pressa en ég og Jón Dagur vorum flottir fannst mér."
Ísland hefur núna í tvígang tapað niður forskoti á mótI Ísrael en það sama gerðist þegar liðin mættust úti í Ísrael.
„Aðsjálfsögðu er þetta svekkjandi. Við þurfum að læra að klára leiki og drepa þá, það er bara eina það sem er í stöðunni."
„Við þurfum að fara og skora annað markið eða fara niður og beita skyndisóknum og klára leikina þannig en það eru bara þjálfararnir sem ráða."
Viðtalið í heild sinni má sjá í sjónvarpinu hér að ofan
