Það þurfti vítaspyrnukeppni til að útkljá viðureignina þar sem Ter Stegen var frábær en það er markvarsla hans undir lok framlengingarinnar sem hefur vakið mesta athygli.

Adnan Januzaj tók þá aukaspyrnu rétt fyrir utan vítateig og var knötturinn á leið í vinkilinn. Skotið virtist óverjandi en þýski markvörðurinn skutlaði sér og náði að setja fingur í knöttinn og ýta honum í stöngina.

Ter Stegen bjargaði þannig stórkostlegu marki og var svo aftur hetja Börsunga í vítaspyrnukeppninni.

Það hefur vakið mikla athygli að þetta var fyrsta vítaspyrnukeppni sem Barcelona tekur þátt í síðan 1998.

Sjáðu markvörslu Ter Stegen