Ondrej Duda skoraði geggjað aukaspyrnumark
Slóvakinn Ondrej Duda var hetja Hellas Verona sem vann Udinese 1-0 í Seríu A á Ítalíu í dag. Duda skoraði stórbrotið aukaspyrnu mark þegar tuttugu mínútur voru til leiksloka.
Udinese hafði verið í baráttu um að komast í Evrópukeppni og mátti ekki við tapi í dag.
Lorenzo Lucca og Jordan Zemura komu sér báðir í fín færi í fyrri hálfleiknum. Lorenzo Montipo, markvörður Verona, varði skot Zemura á meðan Lucca skallaði yfir markið.
Kinglsey Ehizibue komst nálægt því að skora snemma í síðari hálfleik en setti boltann framhjá.
Verona-menn fóru aðeins að ógna þegar leið á síðari hálfleikinn og var þar Duda þeirra helsta vopn. Hann hafði aðeins hótað Udinese í leiknum og loks kom að því að boltinn færi í netið en það mark var algerlega glæsilegt.
Duda skoraði úr aukaspyrnu af 30 metra færi efst upp í hægra hornið og reyndist það sigurmark leiksins. Annað mark hans í deildinni og gerði hann svo gott sem út um vonir Udinese á að komast í Evrópukeppni.
Udinese er í 10. sæti með 40 stig, tíu stigum frá Evrópusæti en Verona í 14. sæti með 29 stig.
Botnlið Monza gerði þá 1-1 jafntefli við Parma í botnbaráttuslag en bæði mörkin voru skoruð í síðari hálfleiknum. Armando Izzo kom Monza yfir á 60. mínútu en Monza tókst ekki að halda þetta út og var það Ange Bonny sem jafnaði þegar sex mínútur voru eftir af venjulegum leiktíma.
Monza er áfram á botninum með 15 stig en Parma í 17. sæti með 25 stig.
Monza 1 - 1 Parma
1-0 Armando Izzo ('60 )
1-1 Ange Bonny ('84 )
Udinese 0 - 1 Verona
0-1 Ondrej Duda ('72 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 37 | 23 | 10 | 4 | 57 | 27 | +30 | 79 |
| 2 | Inter | 37 | 23 | 9 | 5 | 77 | 35 | +42 | 78 |
| 3 | Atalanta | 37 | 22 | 8 | 7 | 76 | 34 | +42 | 74 |
| 4 | Juventus | 37 | 17 | 16 | 4 | 55 | 33 | +22 | 67 |
| 5 | Roma | 37 | 19 | 9 | 9 | 54 | 35 | +19 | 66 |
| 6 | Lazio | 37 | 18 | 11 | 8 | 61 | 48 | +13 | 65 |
| 7 | Fiorentina | 37 | 18 | 8 | 11 | 57 | 39 | +18 | 62 |
| 8 | Bologna | 37 | 16 | 14 | 7 | 56 | 44 | +12 | 62 |
| 9 | Milan | 37 | 17 | 9 | 11 | 59 | 43 | +16 | 60 |
| 10 | Como | 37 | 13 | 10 | 14 | 49 | 50 | -1 | 49 |
| 11 | Torino | 37 | 10 | 14 | 13 | 39 | 43 | -4 | 44 |
| 12 | Udinese | 37 | 12 | 8 | 17 | 39 | 53 | -14 | 44 |
| 13 | Genoa | 37 | 9 | 13 | 15 | 34 | 48 | -14 | 40 |
| 14 | Cagliari | 37 | 9 | 9 | 19 | 40 | 54 | -14 | 36 |
| 15 | Verona | 37 | 9 | 7 | 21 | 32 | 65 | -33 | 34 |
| 16 | Parma | 37 | 6 | 15 | 16 | 41 | 56 | -15 | 33 |
| 17 | Empoli | 37 | 6 | 13 | 18 | 32 | 57 | -25 | 31 |
| 18 | Lecce | 37 | 7 | 10 | 20 | 26 | 58 | -32 | 31 |
| 19 | Venezia | 37 | 5 | 14 | 18 | 30 | 53 | -23 | 29 |
| 20 | Monza | 37 | 3 | 9 | 25 | 28 | 67 | -39 | 18 |
Athugasemdir
