Miðjumaðurinn Kalvin Phillips er á leið til nýliða Ipswich Town í ensku úrvalsdeildinni. Um er að ræða lánssamning út tímabilið.
Phillips hefur ekki náð að brjóta sér leið inn í lið Manchester City síðan félagið keypti hann á 45 milljónir punda frá Leeds fyrir tveimur árum.
Phillips hefur ekki náð að brjóta sér leið inn í lið Manchester City síðan félagið keypti hann á 45 milljónir punda frá Leeds fyrir tveimur árum.
Hann fór til West Ham á láni seinni hluta síðasta tímabils þegar hann gerði misheppnaða tilraun til að komast í enska landsliðshópinn fyurir EM. Hann stóð ekki undir væntingum og meiðsli settu að auki strik í reikninginn.
Phillips var á bekknum þegar City vann Manchester United í leiknum um Samfélagsskjöldinn um síðustu helgi, þrátt fyrir að það hafi vantað Rodri.
Lánssamningur City við Ipswich mun ekki innihalda nein ákvæði um kaup á leikmanninum.
Athugasemdir
