Jóhannes Karl þjálfari ÍA var að vonum sáttur eftir sigur sinna manna gegn Selfossi í dag. Með sigrinum tryggðu Skagamenn sæti sitt í Pepsi deildinni að ári.
Lestu um leikinn: Selfoss 1 - 3 ÍA
„Þetta var frekar undarlegur leikur. Mér fannst við gera mikið meira en nóg til þess að vinna leikinn en auðvitað eru Selfyssingar með hörkulið líka. Á köflum bara þetta pínu skrítið og erfitt og mikið stress í lokinn þrátt fyrir að við værum með alla yfirburði á vellinum."
„Þeir ná þessu eina marki og stríða okkur aðeins í restina. Við sigldum þessu heim af fagmennsku og kláruðum þetta. Tryggðum okkar sæti í Pepsi sem var alltaf markmiðið."
Ein umferð er eftir af deildinni og Skagamenn geta enn unnið deildina.
„Það er því miður ekki í okkar höndum en við eigum einn leik eftir og það er möguleiki að vinna deildina. Við viljum gera það og enda þetta tímabil af krafti í síðasta leik heima á móti Þrótti."
Viðtalið við Jóhannes má sjá í heild sinni hér að ofan.
Athugasemdir
