Fram kemur á vef Eyjafrétta að Andri Ólafsson muni þjálfa kvennalið ÍBV á næsta tímabili.

Jón Ólafur Daníelsson hefur þjálfað ÍBV á þessari leiktíð og stýrði hann liðinu til 2-0 sigurs gegn Fylki í dag. Með sigrinum gulltryggði ÍBV sér áframhaldandi veru í Pepsi Max-deild kvenna.

Eftir sigurinn í dag er ÍBV í áttunda sæti, af 10 liðum, með 18 stig eftir 17 leiki.

Andri Ólafsson er 34 ára gamall og lék hann með ÍBV langstærstan hluta leikmannaferils síns. Hann á einnig leiki fyrir Grindavík, KR og KFS.

Frá því í júlí hefur Andri verið aðstoðarþjálfari meistaraflokks karla hjá ÍBV. Andri stýrði ÍBV í leik gegn Val á dögunum þar sem Ian Jeffs þurfti að sinna starfi sínu sem aðstoðarþjálfari kvennalandsliðsins. Þann leik vann ÍBV 2-1, annar af tveimur deildarsigrum liðsins í sumar. Karlalið ÍBV er fallið úr Pepsi Max-deildinni.

Tweet

Senda a Facebook Hafdu samband Senda frétt Prenta frétt Frétta leit